SYUDAD SANG BACOLOD – Nagakabalaka ka bala nga nalatnan ka sang nCoronavirus kag luyag magpa ospital?
Ano ang imo dapat sakyan kag tawgon? Trisikad? Taxi? Tricycle?
Indi. Telepono.
Telepono bangud kinahanglan ka magtawag sang sugat nga ambulansya.
Ang panugyan ni Joemarie Vargas, pamuno sang City Disaster Risk Reduction Management Office, dapat ambulansya sang panguluhan ang magadala sa imo sa bululngan.
Ginpahayag ni Vargas sa Radyo X nga mahimo maglapta pa gid ang virus kon indi husto nga pamaagi ang pagdala sang isa ka tawo.
Ginpaathag ni Vargas nga may mga pamaagi agud madala ang isa ka tawo sa bululngan katulad sang “sterilized” nga salakyan ukon ginlimpyuhan agud mapatay ang mga kagaw kag may yara sang PPE ukon Personal Protective Equipment.
Magtawag sa 4323871 tubtub 73 sa Ambulance Services sang CDRRMO agud magpangabay sang ambulansya.